ისრაელის პრეზიდენტი შიმონ პერესი მადლობას უხდის არჩილ კბილაშვილს  

3 იანვარი, 2012

მგალობლიშვილი ყიფიანი ძიძიგური იურიდიული ფირმის პარტნიორი არჩილ კბილაშვილი გამოდიოდა ებრაელი ბიზნესმენების რონი ფუქსისა და ზეევ ფრენკელის ადვოკატად. მას თანაშემწეობას უწევდა ფირმის იურისტი სანდრო სამადბეგიშვილი.

მიმდინარე წლის 1 დეკემბერს საქართველოს პრეზიდენტმა ისრაელის მთავრობისა და პირადად ისრაელის პრეზიდენტის თხოვნის საფუძველზე შეიწყალა ისრაელის მოქალაქეები რონი ფუქსი და ზეევ ფრენკელი.

მიმდინარე წლის 15 დეკემბერს ებრაელი ბიზნესმენების ადვოკატი არჩილ კბილაშვილი მიწვეული იყო ისრაელში. მას მადლობა გადაუხადეს ისრაელის მოქალაქეების რონი ფუქსის და ზეევ ფრენკელის სათანადო პროფესიული დაცვის სამსახურის გაწევისთვის, მაღალკვალიფიციური იურიდიული დახმარებისა და თავისი მოვალეობისადმი ერთგულებისათვის. მადლობა მას პირადი შეხვედრისას ისრაელის პრეზიდენტმა შიმონ პერესმა გადაუხადა.